بعد غياب عن منتدانا الغالي الشعبي

بعد غياب عن منتدانا الغالي الشعبي

احب ان انقل لكم هذه القصيده للامير الراحل طلال الرشيد

قصيده غزليه جميله كما اعتدنا من الامير

لعلها ان تنال استحسانكم ورضاكم



** آخر حـــــــــــــــــــــــب **





كنت أحسب إني عرفت الحب قبل أعرفك
وعشقت قبل أعشقك وإشتقت قبل ألتقيك

وكنت أحسب إني لقيت أحباب قبل أوصلك
وأثري توهمت في غيرك وأنا كنت أبيك

تعال نعطش وتشربني وأنا أشربك
تعال قبل الوعد إجلس معي نحتريك

تعال شفني وأنا أستناك ك أشبهك
يطري علي ألف راي و راي وأحتارفيك

أجي مكان الوعد وإلا أسبقه أنطرك
والا آخذ الموعد اللي يحتريك وأجيك

يا آخر الحب ذقت الحب في أولك
ويا أول الشوق أقصى الشوق ما ينتهيك

علمتني كيف أعرفك لين صرت أجهلك
ضيعتني في متاهاتك وكنت أرتجيك

حبيب الأحلام يابعدك ويامقربك
حرام يكفي تبعثرني وأنا أحتويك

إن شفتك بحلم صدقته وأنا أتوهمك
إن شفتك بعلم كذبته إلين أنتشيك

أخاف أغمض عيوني وإن رمشت أفقدك
وأخاف أفتح وتصبح حلم ولا ألتقيك